Kinaumagahan ay aligaga na ako sa kakamadali dahil gahol na ako sa oras.
Tiyak mahuhuli na naman ako nito sa first subject ko.
Napasarap kasi ang tulog ko dahil medyo nakasanayan ko na ang lambot ng kama ko.
Pagbalik ko sa ampunan, pwede ko kayang hilingin kay Don
Germio iyong kama at iuwi ko?
Madami naman silang kama dito kaya di naman siguro kawalan kong hihingi ako ng isa.
Pagkababa ko sa hapag kainan ay mabilis akong nag-break sa mabilis kong kilos dahil nadatnan ko doong nakaupo na at kumakain si Xavier at si Ms. Avi.
Umagang-umaga, nagsasabog ng kagandahan ang babaeng ito.
At umagang-umaga rin ang sama ng tingin sa'kin ng katabi niyang lalaki, na walang iba kundi ang amo ko.
"Morning," magalang kong bati sa kanila at patalilis na dumaan papuntang kusina.
Doon na lang ako
