Narinig ko ang mga usapan sa paligid pero naka-focus lang ako doon sa tatlong Gamma Rio na hinahamon ko. Nagkatinginan silang tatlo at may pag-aalinlangang sumulyap sa akin.
"Huwag niyo sabihing aatras kayo? Huwag kayong matakot sa'kin, di nga kayo natakot kay Ian Cruz , di ba?" nakangisi kong sabi sabay agaw ng bolang hawak nung pinasahan ko.
Nang i-dribble ko na ang bolang naagaw ko ay tsaka naman ako hinarangan nung dalawa.
Imbes na iwasan sila ay tinumbok ko talaga ang dereksiyon niya.
Nakita ko ang pagkuyom ng kamao nung isa kaya alam kong may gagawin siyang di maganda.
Nang malapit na ako sa kanila ay akma nila akong dadambahin kaya mabilis ang ginawa kong pag-iwas dala pa rin ang bola.
Nakita kong papasugod iyong isa pang kasama nila kaya malakas ko siyang binato ng bola sa
