NAGISING ako nang maaga. Bumangon ako sa kama ko at niligpit iyon, tinupi ang kumot at ang unan ko ay inayos. Napatingin ako sa aircon na bumubuga nang malamig na hangin sa loob ng kʼwarto ko, ang iniisip ko ngayon kung patayin ito. Sayang kasi sa kuryente.
“Babalikan kita aircon, ha? Mag-a-ask ako kay manang Sabel kung paano ka papatayin, okay?” sabi ko sa kanya.
Pumasok na ako sa loob ng banyo ko rito. Sobrang laki rin. Naligo na ako pero hindi ko ginamit ang shower, mas sanay akong magtabo lamang kapag naliligo. Naging mabilis ang pagkaligo ko kahit sobrang lamig ng tubig na bumubuhos sa aking katawan. Sanay naman ako sa malamig na tubig kaya wala ito sa akin.
Lumabas na rin ako banyo nang matapos akong maligo at pumunta sa isang pinto na nandito, lumabas ako sa tinatawag nilang wa
