NANDITO na ako sa living room. Nag-uumpisa na ang party para sa akin, maging ang mga kasambahay namin ay kasali kaya nasa labas na rin silang lahat. Nalaman ko rin kay Callon na nandito na sila ninang Bella.
“Frances, lalabas na tayo, ha?” saad ni mommy sa akin. Kasama ko sina dad and mom dito sa loob ng living room. Sina Callon and Collete naman ay nasa likod-bahay na namin.
“Kinakabahan po ako,” mahinang sabi ko sa kanila ni daddy.
Hinawakan nila pareho ang aking magkabilang kamay. “Huwag kang kabahan, okay? Nandito lang kami and walang makakapagsalita sa iyo nang masama, baby girl! Ako ang kakalaban sa kanila,” seryosong saad ni daddy at pinisil niya ang aking kanang kamay.
“Tama ang dad mo, Frances! Huwag kang kabahan! I-enjoy mo lang ang araw na ito para sa iyo,” wika rin ni momm
