Kabanata 7: Pagdududa
HINDI na muna umalis si Denzel sa tindahan ni Nanay Tibang. Ang binatilyong si Boyet ay nauna na itong umuwi dahil busog na busog ito at nakaubos ng limang daan. Hindi puwedeng iwan ni Denzel ang lugar na ito ngayon at baka pupunta ang mga trabahador ng minahan.
“Nanay, gusto ko pa po,” aniya ng maubos ang pang limang order.
Nagliwanag ang mukha ng matanada. “Maraming salamat, Ineng. Hindi ba ang sabi ko saiyo ay magugustuhan mo?"
“Opo, Nanay.” Ngumiti si Denzel at totoo ang kanyang sinabi. Hindi mo na maiisip na utak iyon ng baboy dahil sa sarap.
Kumuha pa ng puso ng kanin at tuslob si Nanay Tibang. Nang ibigay nito ang pagkain ay mabilis iyong tinanggap ni Denzel. Dahil marami na siyang nakakain ay kailangan na niyang magdahan-dahan. May marami namang bumibil
