KULAS
“ANO? Aba’y anong plano mo niyan?” tanong ni Ason.
Kasalukuyang nakatambay kami sa labas ng kanilang mini-grocery store sa Kaimito Street. Tanghali na no'n at katatapos lang naming mananghalian sa bahay. Since bored ako at sa mga ganitong oras ay si Ason lamang ang available na pwede kong makausap, dito ako pumunta sa kanila. May kanya-kanya kasing day job ang iba naming mga kaibigan.
Hindi rin masyadong busy ngayong oras at may katuwang naman si Ason sa tindahan niya kaya pwede lang siyang makipag-usap sa akin anumang oras niyang gustuhin. Lumagok muna ako sa softdrinks na hawak ko bago sumagot dito.
“Hindi ko alam,” ang aking maikling tugon. Kwinento ko kasi sa kanya ang pangungulit ni Georgina Saavedra sa akin nitong mga nakaraang araw.
Magmula nang hinamon niya ako noong isa
