Nag-init ang mga mata ni Jesilyn at napahigpit na lamang ang yakap sa kanyang pinsan. Pagkatapos nilang magkalas ay nagbilin pa si Kenneth na tawagan niya ito bago siya bumalik sa Pilipinas. Binigyan siya nito ng calling card at ibinigay naman niya rito ang pangalan ng hotel na tinutuluyan at maging ang room number niya bago ito nagpaalam at tuluyang umalis.
“She’s a nice girl,” komento ni Ryan mayamaya.
Napangiti si Jesilyn pero hindi bumaling sa binata. “Oo. Worth it ang pagbisita ko sa kanya.” Pagkatapos ay bumuga siya ng hangin. “Tara na.” Bago pa ito sumagot ay nagpatiuna na siya sa paglalakad. Kailangan kasi niya ng kaunting sandali upang hamigin ang sarili. Tila nag-e-echo pa rin kasi ang mga huling sinabi ni Kenneth.
“Follow your heart. It will make you happy…” Ipinilig niya an
