NAUPO silang dalawa sa sofa sa Game Room. Ang nakalabas na Jenga Blocks na nakapatong na sa ibabaw ng lamesa ay inabot ni Ezra at ibinuhos sa ibabaw noon. Hindi niya maiwasang mapatingin kay Blaze na hindi maalis ang ngiti sa mukha.
"Parang hindi pa nagsisimula kinakabahan na 'ko, ah." Napatingin sa kanya si Blaze at nagkagat ng labi.
"Chill ka lang, malay mo naman manalo ka. 2, 2 ang score natin 'di ba?"
"Kaso sa ngiti mo pa lang parang dehado na 'ko." Napapailing niyang sabi habang sinisimulan nang ayusin ni Ezra ang blocks. Tumulong naman si Blaze na nagpipigil pa rin ng tawa.
Nagpapasalamat si Ezra na nawala na ang tensiyon bunga ng panic attack niya kanina noong mapagusapan nila ang nakaraan ni Ezra bilang Equestrian jumper.
"Napaisip ako ano kaya ang last game. Nabunot na natin
