PAGBALIK ni Ezra sa main house ay nagpunta siya kaagad sa may poolside. Dahil covered naman ang area na iyon, hindi na siya nagdala at naglagay ng sunblock. Naabutan niya pa ang ilang kasambahay ni Blaze na naglalagay ng pananghalian. Nagpasalamat siya sa mga iyon bago sila lumabas ng tuluyan. Ipinatong ni Ezra ang dala niyang bag sa isa sa mga lounge chairs na nakapalibot sa kaliwang bahagi ng pool.
Pagbaling naman niya sa isang lamesa roon na na may apat na upuang nakapalibot, may dalawang plato na nakasetup at dalawang pares din ng kubyertos. Nakatakip ang dalawang bowl ng pagkain habang ang isang bandehadong kanin naman ay mayroon ding cover, marahil proteksiyon laban sa kung anumang insekto ang lalapit sa pagkain nila. Nagpalinga-linga siya at hinanap si Blaze ngunit wala pa ito. Nag
