SAMPUNG minuto ring naghintay sina Blaze at Ezra bago tawagin si Blaze para kuhanin ang bago niyang Driver's License. Magkahawak kamay silang tumayo at naglakad papunta sa Window 4 kung saan irerelease ang ID ng dalaga. Nang pipirma na si Blaze at kinailangang alisin ang pagkakahawak ng kanang kamay niya mula sa kamay ni Ezra ay ang kaliwang kamay naman niya ang kinuha ng kasintahan. Bukod sa babala niya sa mga lalaking tumitingin sa girlfriend niya, gusto rin ni Ezrang magka-holding hands lang silang dalawa ni Blaze habang magkasama. Wala pang isang minuto ay nakuha na ni Blaze ang ID niya. Bumitiw sa pagkakawahak ng kamay at saka umakbay si Ezra sa kasintahan. Magkadikit ang tagilirang naglakad na palabas ng opisina papunta ng parking lot. Naka-angkla ang braso ni Blaze sa beywang ni Ezr
