PAGKAALIS nila ng LTO ay sa opisina ni Malik sa Bonifacio Global City sa Taguig sila nagpunta. Kahit ilang beses tawagan ni Ezra si Malik ay out of coverage area ito at sa voice mail dumideretso ang tawag.
"Malik, tawagan mo kami ni Dash kaagad kapag narinig mo 'to," bilin ni Ezra sa pang-apat na beses na ma-divert sa voice mail ang tawag niya.
"Nasaan kaya si Malik? Bakit hindi sumasagot?" Tanong ni Blaze. Ganoon din ang iniisip ni Ezra. Kung bakit ngayon pa sa lahat ng pagkakataon hindi ma-contact ang kaibigan.
"I don't know. Nag-aalala na rin ako. Hindi siya usually ganyan. Minsan sa group chat hindi lang siya sumasagot pero kapag tinawagan naman ncocontact naman namin. Napaisip tuloy si Ezra kung ilang pagkakataon lang ba nila hindi nakausap si Malik. Mayroong isang beses at ala
