ALAM na ni Ezra ang kapalaran niya pagkabunot pa lang ng larong Billiards sa Best of the Best Game nila ni Blaze ngunit kahit ganoon ay sinubukan pa rin niyang manalo. Nangako naman talaga siya sa sarili na hindi siya susuko sa laban kahit na wala na siyang pag-asa. Kung sa ibang bagay ay sinukuan niya, sa pagkakatong ito ay ilalaban niya.
Iyon ang mindset niya ten minutes bago sila nagsimulang maglaro ngunit parang may hinahabol na deadline si Blaze. Sampung minuto lang ay tapos na agad ang laro nila.
"Game one done. Next?" Nakangising tanong nito sa kanya nang matapos nilang ligpitin dalawa muli ang mga bola at cue sticks na ginamit sa laro.
Kahit talunan ay pinilit niyang ngumiti at tumango. Lumakad si Ezra patungo sa lamesa sa game room kung saan niya ipinatong ang boteng naglalaman
