Bandang huli ay wala rin nagawa si Janel kung hindi ang ayunan ang nais ni Lucas. Sa halip na umalis pa ito upang bilhan siya ng almusal ay nagpa-deliver na lamang ng pagkain sa kanyang apartment ang binata.
Hindi na niya nais pang humaba ang kanilang usapan. Talagang masama ang kanyang pakiramdam at sa ngayon ay hindi niya nais na makipagtalo pa. Sa tingin niya pa ay hindi naman magpapatalo ang kanyang boss, kaya sa huli ay hinayaan na lamang niya ito sa nais nitong mangyari.
Hindi pa nagtagal ay pinagsasaluhan na nila ang pagkain na pinadala nito. Hindi niya pa maiwasang magtaka dahil sa presensiya ni Lucas sa kanyang tinutuluyan. He is her boss. Hindi ba at kataka-takang narito ito ngayon sa kanyang tinitirhan at pinaglalaanan siya ng oras dahil sa may sakit siya? O ganito ba ito sa l
