Chapter 24
Rosalie POV
"MOMMY!"
Narinig kong sigaw nilang dalawa pero hindi ko sila pinansin. "Anong Mommy?" Ipapahamak niyo na naman ako sa Tatay ninyong demonyo, sabi ko sa aking sarili. Habang papalayo ako sa dalawang bata, pakiramdam ko bumibigat ang bawat hakbang ko, parang nakakaawa ang mga tinig nila. Mga tinig ng mga batang nangulila sa ina.
Bakit naman kasi napagkakamalan nila akong Mommy? Hindi ko inaasahan na makikita ang mga anak ni Hayes sa ganitong sitwasyon. Ano ang ginagawa nila rito? Wala ba silang bantay? Nasaan ang mga bodyguard nila?
Bumalik ako sa kinauupuan ko kanina, ngunit hindi rin ako makakain nang maayos dahil sa awang–awa ako sa tinig nilang dalawa. Narinig kong umiiyak ang batang lalaki.
"Anong nangyari?" tanong ni Belinda, halatang nagtataka sa mga kilo
