Pabalik-balik ang paglalakad ko sa loob ng kuwarto pagkalabas na pagkalabas ni Judas. Sa unang pagkakataon ay hindi ko alam ang gagawin ko. Hindi ko alam kung ano ang uunahin ko.
Napatingin ako sa backpack ko at kaagad na nagpunta kung saan ito nakapatong. Kinuha ko ang laptop at saka ako nagtungo sa banyo gaya ng bilin ni Judas.
Binuksan ko ang laptop at kaagad na nagpunta sa app kung saan ko makikita ang mga nasasagap ng CCTV camera. Nakahinga ako nang maluwag nang makita hindi sa master's bedroom nagtungo si Judas kundi sa daan papunta sa attic. Gago talaga ito. Imbes na ang asawa ang unang puntahan, mas inuna pa nitong dalawin ang kabit nito na dating therapist ni Sachi.
Pero hindi ba at dapat magpasalamat pa ako na ito ang uunahin ni Judas kesa si Sachi? Ngunit alam ko na hindi
