Gaya ng sinabi ko kay Judas ay maaga akong nagising kinabukasan upang mamasyal sa isla. Kailangan talaga na maging pamilyar ako sa lugar kahit na nasisilip ko naman ito dati dahil sa mga naka-install na CCTV cameras sa labas ng bahay at paligid. Masyadong natatakot si Judas na matagpuan ng mga magulang ni Sachi ang lugar kung saan niya ito itinatago. Kaya naman kahit imposible na ay mas ginawa pa niya itong imposible.
Sinilip ko muna sa silid niya si Sachi. Tulog na tulog pa rin ito. Tiyak na bumabawi pa rin ito ng lakas dahil talagang inubos siya ni Judas. Ilang araw ba namang hindi nito maaangkin ang asawa kaya talagang sinulit nito ang huling araw na magkakasama sila.
Bumaba ako ng mansiyon. Binati ako ng katahimikan habang naglalakad sa lahat ng lugar na pwede kong puntahan sa loob
