"Is there something wrong, Sachi? Bakit tahimik ka na simula nang bumaba tayo? Palagi ring nakatingin ka sa malayo. May inaabangan ka bang dumating?" Pinutol ng pagtatanong ni Judas ang malalim na pag-iisip ko.
Nakababad na kami ngayon sa pool. Magkatabi kami habang nagpapahinga sa gilid habang nasa tubig ang mga katawan namin.
"Nonsense. Sino naman ang aabangan kong dumating? Iyong mga mangingidnap sa akin? Wala ito. Bigla ko lang kasing na-miss ang pamilya ko," sagot ko sa kanya.
"Nami-miss mo sila? Ako rin nami-miss ko rin sila minsan."
Sinulyapan ko siya sa nakitang nakatingin siya sa malayo. Ngunit bago ko pa maibaling sa iba ang tingin ko ay lumingon na siya sa akin.
"Pero sabi nila, para mabawasan ang pagka-miss mo sa kanila, magkuwento ka tungkol sa kanila. Kuwentuhan mo n
