“KEN, nasaan tayo?” tanong ni Thoie sa katabi niyang lalaki nang magising siya sa mainit na sikat ng araw. Nakahinto na ang kanilang sasakyan ngunit nasa ilalim sila ng tirik na araw. Dahil nakabukas ang bintana sa gawi kung nasaan siya ay hindi naiwasang pumasok ang init. Hindi niya naisip na makatutulog siya.
“Narito na tayo,” tugon ng lalaki at ngumiti. Lumabas ito ng sasakyan. Dali-dali siyang napatingin sa kaniyang suot na relo. Alas otso nang umaga. Nanlaki ang kaniyang mga mata, hindi niya namalayang panibagong araw na ito. Dumaan ang isang buong araw sa kanila kahapon nang hindi sila nag-uusap ni Ken. Hindi niya alam pero talagang naiinis siya rito, siguro ay dahil sa pakikipag-usap nito kay Elijah, pero bakit naman siya maiinis nang ganoon nang dahil nakikipag-usap ito sa iba? S
