“MAGANDANG umaga, Nanang.” Lumapit si Ken sa kama ng kaniyang lola at dali-dali itong niyakap. Kagabi rin ay napapayag niya si Thoie na magtungo sila sa hospital. Magkakasama silang tatlo nang nagtungo rito.
“Magandang umaga ho.” Lumapit din si Thoie at nagmano sa palad ng ginang, ganoon din si Kate at niyakap ang lola nito. Kaagad na pumayag si Thoie nang magpaalam si Ken, naisip din naman nitong lumabas dahil talagang nabuburyo na ito sa loob ng bahay. Wala rin naman itong ibang pagkakaabalahan sa loob ng mansion kung kaya’t agad na pumayag. Idagdag pang ngayong araw ay babalik ang mag-inang nagtungo sa mansion kahapon lamang at sinasabing may dugo ring Damien. Hindi niya nais makita ang mga ito.
“Ate Thoie, gusto mo pong manood ng pelikula?” Nagtungo si Kate at Thoie sa nag-iisang cou
