“BAKIT ayaw mo pang bumalik? Baka hinahanap na tayo ni Don Inigo.”
“Hindi lang ako komportable sa nangyayari.” Nakasimangot ang mukha ni Thoie, sandali silang nagtungo sa rooftop ng hospital para magpahangin. Ikinapagtaka na ito ng lalaki dahil halatang-halata na masiyado ang kaniyang ginagawang pag-iwas sa pag-uwi sa mansion. “Malamang bumalik na sa bahay ang mag-inang anak Damien din daw. Ewan ko, Ken, hindi ako natutuwang may magpapakilala sa ‘kin bilang anak din ng papa. Hindi nang ganitong pabigla-bigla at mas lalong hindi ngayon na ilang taon nang wala ang papa ko.” Kinagat niya ang kuko ng kaniyang hintuturo at tumingin sa malayo. Bahagyang mainit ang simoy ng hangin na dumadampi sa kanilang balat, dahil na rin sa mainit na panahon. Bago sila umakyat sa rooftop ay tirik ang araw n
