PINANONOOD lamang ni Thoie ang kaniyang lolo mula sa balkunahe ng kaniyang silid, mag-isa ito sa kanilang bakuran at napakalayo ng tingin. Madilim na sa paligid, ang mga ilaw sa ilang posteng nakapalibot sa mansion ang nagsilbing ilaw upang masilayan niya ang kaniyang lolo. Tila kay lalim din ng iniisip nito at hindi niya mawari kung ano iyon, isa pa ay wala siyang pakialam kung ano man iyon, masama ang kaniyang loob sa ginoo dahil sa ginawa nitong pagpapatira sa mansion ng bastardong mag-ina ng yumaon niyang ama. Nais niyang tanggapin si Cailey bilang kaniyang kapatid, hindi iyon mahirap gawin para sa kaniya ngunit sa tuwing maiisip niyang nagloko sa kanila ang kaniyang ama ay biglang bumibigat ang kaniyang dibdib. Para sa kaniya ay maling tanggapin niya ang kalokohan ng ama. Ganoon pa ma
