Chapter 21
ISANG LINGGO PAGKATAPOS NG LIBING NI DADDY ay pumasok na kaagad ako sa opisina. Hindi ko pa nakikita si Wave simula nang pumasok ako dahil naging abala ako sa mga naiwan kong trabaho na si Carla ang umayos. Gusto ko sana pasalamatan si Wave kaso buong araw na may kausap ito sa opisina.
Maraming nagsasabi na pumayat nga ako pagkatapos ng nangyari. Marami rin nakiramay at tinanong kung ayos lang ba talaga ako. Iyong iba pa nga ay nagsasabi na dapat na magbakasyon ako kahit dalawang linggo para makapag-isip.
Gusto ko sana kaso wala naman na akong oras para roon. Ngayong wala na si daddy ay kailangan mas doble pa ako kumayod para mas maging maayos sila mommy. Hindi ko na ulit kakayanin na may mawala pa sa kanila.
Pagkabalik ko rin ng opisina ay agad ibinalita sa akin ni Sir Drew
