Nagpunta agad ako ng palengke. Alam ko naman ang pasikot-sikot dahil palagi akong dumadaan dito pagpumupunta ako kanila Joahn.
Napapatingin pa ang mga tao dahil siguro bagong mukha ako sa lugar nila. Pero as usual, hindi ko sila pinansin.
Mayroom din akong nakitang ibang nilalang pero hindi ko pinansin lalo na't wala naman silang ginagawang masama. Bumili na lang ako ng karne at mas piniling sa kanila Joahn na lang bumili ng iba pa. Sigurado akong wala na ang mag-ina ko doon para maghanda ng panganghalian.
Nilagay ko muna sa sasakyan ang binili ko bago pumunta sa kanila. Pumunta agad ako sa tindahan nila at tama nga ako, ang ina niya lang ang nandito at hindi niya naman ako kilala. Walang ibang bumibili kaya mas ayos ito. Pumasok ako sa tindahan habang siya ay nginitian ako bilang p
