Glenda's POV Flashback continues
Inilagay ko sa gitna namin ang aming anak pagkatapos ko siyang padedehin.
"Baka madaganan ko siya pwede bang sa crib na lang siya."
Napalunok ako dahil hindi ako sanay na may katabi lalo at si Clay pa.
"Mas maganda kasi na nasa tabi ko siya para kung iiyak ay makukuha ko siya agad." Sagot ko.
"Palit na lang tayo ng pwesto dito ka sa gilid at ilapit ko ang crib ni Aizah sa tabi mo." Sabi niya agad na bumangon. Binuhat ang crib at idinikit ito sa aming kama.
Napabuntong hininga akong bumangon at dahan-dahan na binuhat ang mahimbing naming anak. Pinahiga ko siya kanyang crib at humiga sa dating pwesto ni Clay. Tumalikod ako sa kanya at humarap sa aming anak. Ipinikit ko na ang aking mga mata at tuluyan nang nakatulog.
Nagising ako na parang may humah
