Nanginginig ang katawan ko sa takot sa possibleng mangyari kay Mama Joanna at sa mga kapatid ko doon sa probinsiya. Naghalo-halo sa isipan ko kung ano ang tamang gawin sa oras na ito. Naiipit ako sa sitwasyon dahil nakatutok pa rin sa noo ko ang hawak na baril ni papa Romulo. Nagbabanta ang mga tingin niya sa akin.
Muling tumunog ang hawak kong cellphone. Dinukot ko ito kanina sa suot kong uniform at pagkakita ko sa screen, isang unknown number ang tumawag hindi ko sinagot. Takot akong sagutin ito lalo na't hindi ko alam kung paano ko lalabanan ang labis na kaba oras na masagot ko ang tawag. Hindi ako handang malaman ang nangyari sa ina ko.
"Sagutin mo 'yan... Nang malaman mo ang nangyari sa mama Joanna mo. Suwail kang anak. Hindi ba? Kaya alamin mo ang parusa sa paglabag sa utos ko na
