Hindi nga ako nagkamali sa hinala ko. Nagising akong wala si Austine sa kama. Hindi rin nagkaroon ng gusot ang kanyang unan. Ibig sabihin... Hindi talaga siya umuwi kagabi. Saktong sabado ngayon at walang pasok. Napagpasyahan kong magluto ng maaga.
Pupuntahan ko na lang si Austine sa Company niya. Nabanggit niya sa akin kung saan iyon kaya naghanda ako ng lunch box para pumunta sa kanyang opisina. Tama, iyon na lang ang gagawin ko para makita ko siya.
Nagdala rin ako ng extra na susuotin niya. Baka wala siyang susuotin dahil buong araw itong nagtatrabaho kahapon. Panigurado hindi na iyon uuwi ngayong umaga lalo na't tumungtong na nang alas nwebe wala pa rin siya. Hindi pa rin dumating.
Kapag ganitong hindi siya uuwi ng isang araw, malamang mamayang gabi pa iyon makakauwi. Hihintayin k
