"Anong ganap natin sa pasko Señor?" Tanong ni Carpio habang kumakain sila ng tanghalian.
Hindi namalayan ni Rima na magpapasko na pala. Kaya pala napakalamig na ng simoy ng hangin. Nakasweater tuloy siya ngayon. Ibinili talaga siya ni Beid dahil mahina siya sa lamig. Mabilis siyang ubuhin at sipunin.
"Hindi naman tayo nagdidiwang ng pasko—" naputol ang sasabihin ng Señor nang sumabat si Rima.
Nakasilip siya sa Señor, bitbit ang makinang na mata, excited sa paparating na pasko. "Ano pong ganap?"
Pansamantalang tumahimik ang paligid. Ang tunog ng kutsara na naglilikha ng tunog kapag tumatama sa pinggan ay humupa din. Kahit ang tunog ng pag-nguya ay nawala.
Kumurap ng ilang ulit si Rima habang malawak ang ngiting nakatingin kay Beid. "Hmm?" Aniya habang naghihintay sagot.
Nakatingi
