Naging maayos ang takbo ng mga nagdaang araw. Nakahanap na ng bagong investor si Sull bilang kapalit ni Mr. Xiao. At nagbigay na rin ng 'settlement' ang panig ng huli, pero hindi 'yon ibinulsa ng kompanya. Lahat nang 'yon ay ibinigay sa akin ni Sull. Nang una ay ayaw ko pang tanggapin, pero matapos ang ilang pangungumbinsi ay tinanggap ko na lang din dahil kung hindi ko tatanggapin ay ibabalik niya ito.
Tungkol naman sa aming dalawa, ay ramdam kong mas naging malapit kami. Mas ramdam ko ang presensya at pagmamahal niya sa akin. At gaya ng pangako niya ay ipinaranas niya sa akin ang iba't ibang uri ng date na hindi ko naranasan noon. He always find time to date me. Mula sa simpleng paglalakad-lakad sa park hanggang sa sosyal na date sa isang mamahaling restaurant—lahat nang 'yon ginawa niy
