Naging abala ako sa pag-aasikaso ng memo at sa pakikipag-coordinate sa HR Office para ma-set na namin ang date ng meeting. Gusto kasi ni Sir Sullivan na makausap ang lahat ng department heads para mabigyan ng aksyon ang reklamo ng mga empleyado tungkol sa mga trabahong kailangan pa nilang dalhin sa kani-kanilang mga bahay para lang matapos. Ang rason niya, hindi na kasali sa sweldo ng mga empleyado ang magtrabaho pati sa kanilang bahay. Doon pa lang ay napahanga na ako sa kanya.
May mga pagkakataong naiinis ako kay sir, pero hindi naman ibig sabihin no'n ay hindi ko na makikita ang mga ginagawa niya para sa kompanya at mga empleyado niya kahit na kakaupo niya pa lang sa pwesto. Ngayon pa lang ay nakikita ko nang hihigitan niya pa ang ama niya sa pamamalakad sa kompanya. Kung magpapatuloy
