Tinignan ko ang aking sarili sa salamin, naglagay ako ng nude lipstick sa aking labi tapos ay lumabas na akong aking kwarto at bumaba. Nagsuot lang ako ng flat sandals, lumaba ako ng bahay at ni-lock ito. Naglakad ako sa aking garage at sumakay na ako sa aking kotse na may kalumaan na pero gumagana pa rin naman ito ng mabuti. Pupunta ako ngayon sa restaurant na malapit sa building kung saan nagtatrabaho ang aking anak.
Matapos ang usapan namin ni Fidez kahapon, ilang beses kong tinawagan si Cassidy pero hindi ito sumasagot. Kaya naghintay ako hanggang gabi kung saan nakauwi na siya mula sa kanyang trabaho. Sumagot naman siya at nagsusungit ang aking anak dahil pagod daw siya. Hindi ko na lang ito pinansin at sinabi ko na kung pwede ay magkita kami ngayon dahil miss na miss ko na siya. Na
