Maaga akong nagising kinabukasan at nagluto na agad ako ng breakfast para sa kanilang dalawa. Tahimik akong gumalaw at binaba ko na rin ang mga gamit ko. Natigilan ako nang makita na bumaba na si Fidez at napansin ko ang lungkot sa kanyang mukha nang makita niya ako. Bahagya naman akong ngumiti sa kanya at binati siya. Mabilis siyang lumapit sa akin at akma akong yayakapin, pero pinigil niya ang kanyang sarili.
“Sigurado ka na ba? Aalis ka na?” tanong niya sa akin at tumango ako.
“Yeah, nandito na si Cassidy, nandito na ang asawa mo kaya hindi na ako kailangan rito. Alam ko naman na ayaw niya akong makita after ng mga ginawa ko. Para matahimik ang bahay na ginulo ko, aalis na ako."
“Ma, hindi lang naman ikaw ang may kasalanan rito. Our relationship was consensual, and it’s not about
