NASA itaas na bahagi ng cafeteria sina Gael, Dior, Hiro, at Yvony. Sinundo ni Hiro si Yvony kaya labis ang saya ni Yvony nang tinupad ni Hiro ang sinabi nito sa kaniya. Bilang isang babae, malaking bagay iyon para sa kaniya. Kahit sinong babae, mas pipiliin iyong lalaki na may isang salita.
Nasa harap ni Yvony si Hiro. Parang kailan lang ay si Dior ang kaharap niya. Nilingon niya si Dior at nakasimangot lang ito habang tinitingnan siya. Mukhang naiinis na ito na sumama siya kay Hiro. Masasabi niya na si Dior iyong taong walang isang salita. Kagabi lang nito sinabi sa kaniya na pumayag na ito na makipagkilala siya kay Hiro, pero sa inaarte nito, milya-milya ang layo sa sinabi nito. Kanina pa ito nakasimangot. Nahuhuli niya rin ito na nanunuya sa tuwing nagsasalita si Hiro.
Nang nagtama a
