SPRING's POV
"A-aray..." napapiksi ang katulong ng mapaaray ako ng dampian nito ng bulak na may betadine ang sugat ko sa kanang kamay ko.
"Pasensya na po Ma'am." anito.
Umiling ako. "Okay lang pasensya na rin nga pala at naabala pa kita."
"Trabaho ko po 'yun Maam." Muli nitong saad habang inilalagay na ang bandage sa nasugatan kong kamay.
"Salamat po." Saad ko ng matapos ito. Kimi lang itong ngumiti at iniwan na ako sa malawak na sala ng mansiyon.
Pinakatitigan ko naman ang kamay kong nasugatan. Bakit ba lagi na lang ako nasasaktan kapag nasa paligid ko ang dalawang 'yon?
Napahawak ako sa tiyan ko ng kumalam ang sikmura ko. Wala pa nga pala akong nakakain at nakaisang kagat lang ako ng hotdog.
Gutom na ako pero wala akong balak na bumalik doon lalo pa at nandoroon si Torn na mukhan
