SPRING's POV
MONDAY MORNING...
Antok na antok ako habang sinusuklay ang buhok ko. Ang gusto ko na lang gawin ay humilata sa kama at maghapong matulog pero dahil isa akong ulirang estudyante, papasok ako umaraw man o bumagyo.
Puyat ako o mas tamang sabihing hindi ako nakatulog kagabi. Napabuntong-hininga ako matapos maalala ang dahilan nang kawalan ko ng tulog.
Ang modeling stint na ginawa ko kahapon. Tapos ang naka-partner ko pa ay si Torn. Si Torn of all people! Buti sana kung simpleng mga pose lang ang pinagawa sa amin. Kumusta naman ang pag-upo ko sa kandungan nito, back-hug at ang pagbuhat nito sa akin?
Maisip pa lang 'yon ay nag-uumpisa na namang mamula ang mga pisngi ko. Umiling-iling ako. Kung iisipin ko 'yun buong araw, baka wala akong magawang matino sa school.
"Meow..."
Bi
