“ANO ba’ng gusto mo Dark?”
“Stay with me. Gusto kong magkakasama tayong apat sa iisang bahay.”
“Madali sa ’yo ang salitang ’yan dahil gusto mo at isa kang Montemayor na kayang kunin ang lahat. Gusto mong dito kami ng mga bata kasama mo at makikita araw-araw pero masaya ka ba kahit alam mong nahihirapan ang iba?”
“Tell me, Maggie, hindi mo ba ako kayang mahalin? Hindi mo ba ako mahal? Dahil ikaw, mahal na mahal kita. ’Yong mga nakita mo sa U.S. sa restaurant, hindi ko iyon gusto. Inaamin ko na minsang may nangyari sa amin ng babaeng ’yon pero once lang ’yon. Hindi ko alam na doon pa rin siya nagwo-work dahil napakatagal nang panahon no’ng may nangyari sa amin. ’Yong inabutan mo kami sa gano’ng eksena, nabigla lang ako kaya hindi ako agad nakapag-react at ang tagpong iyon ang nakita mo. I
