NAGISING ako dahil sa ingay na nagmumula sa ibaba ng aking k'warto. Napatingin ako sa veranda na mayro'n dito sa room ko, hindi ko iyon naisara, mabuti na lamang ay walang akyat-bahay rito.
Napatayo ako sa aking kama at lumakad papunta roon, kahit kusot-kusot ko pa ang aking magkabilang mata. Tinignan ko ang paligid at abala na ang mga taong nag-aasikaso ngayon. Kumuha kasi sila ate Kathleen ng mga mag-aayos para sa kanilang wedding anniversary. Hetong room ko pala ay nasa likod-bahay ang view kaya, kita ko ngayon ang mga nangyayari.
Ang bilis ng panahon, ano? Fours years na silang kasal na tatlo at five months na lamang ay manganganak na ulit si ate Kathleen, sana nga ay babae na ang kanyang pinagbubuntis.
Nilihis ko na lamang ang aking tingin sa baba at pumasok na ulit sa room ko.
