***Hundred years ago***
THIRD PERSON’S POV
Makalipas ang ilang araw ay nagtungo ng gym sila Sunny at Lili upang matapos na ang lahat. Naiisip ni Lili na magagawa na nya ang kanyang gusto at mapupunta na sa kanya ang lahat ng atensyon na gusto nya. Nang makarating doon ay naro’n na rin si Ulap at nasa gitna na ito at saka ngumiti kay Lili at gano’n din ito sa kanya.
“Kinagagalak kong makatungali ka, Lili,” sabi nito.
“Ako din po,” sagot naman nya habang nakangiti.
Si Sunny ay nakaupo lamang sa bench habang pinapanood ang kanyang kaibigan. Suportado niya ito sa kung anong gusto nito pero hindi nya makalimutan ang pag-iwas nito sa kanya noong nakaraan lalo na ang sinabi nito sa kanya. Pero si Sunny ang tipo ng Prinsesang walang kinatatakutan bukod sa mawalan ng kaibigan. Lalo na ang
