SUNNY’S POV
Ilang linggo ang lumipas at naging maayos naman ang lahat bukod lang sa walang sawang pang-aasar ni Blaze sa ‘kin at pangungulit na minsan gusto ko na lang din syang patayin. Ngayon ay walang pasok pero nasa school ako dahil pinatawag ako nila Lolo at Lola. Hindi ko nga alam kung bakit, e. Lahat ng mga nandito sa school ay kilala ako at hinahangaan na sya namang hindi ko gusto. Hindi nila ako kailangan hangaan dahil lang sa anak ako ng may-ari ng school.
Nang makarating sa office ay agad na umupo sila Lolo at Lola habang ako naman ay nakatayo lang. Hindi ko alam kung anong mero’n at wala akong idea sa kung anong nagaganap. Huminga sila ng malalim at saka tumingin sa ‘kin ng diretso. Sa totoo lang ay kinakabahan ako sa tinginan nila at hindi ko alam kung anong nangyayare.
