JANINE GONZALES LEE POINT OF VIEW
NAKARINIG ako ng katok sa pintuan namin pero 'di ko ito pinansin. Humiga na lang ako sa kama at saka pinikit ang mata ko, pagkagising ko nandito ka na sa tabi ko diba?
Bibilang ako ng tatlo, pagmulat ko ng mata ko. Sana makita kita, 1,2--.
"Sapat na siguro ang dalawang buwan na pagmumukmok sa kwarto para lumabas ka na?" Nadinig ko ang isang boses galing sa pintuan ko. Minulat ko ang mga mata ko at nakita ko si Lucian na nakatayo sa harap ko.
"Dalawang buwan?" tanong ko sa kanya.
"Oo, dalawang buwan na ang lumipas at 'di ka pa lumalabas ng kwarto mo. Naliligo ka pa ba?" natatawa niyang tanong sa akin. Nanlaki ang mata ko, dalawang buwan na ba akong ganito? Hindi ko na malayan ang oras dahil sa paghihintay sa pagdating niya. Muli kong pinikit ang mata
