Alixane POV
Sa halip na sagutin ang lalaki ay kumaripas ako ng takbo. Inilayo ko ang sarili ko para hindi niya ako matunton kung sakali man na sumunod siya sa akin. Mabuti na lang din at may malalaking puno sa paligid kahit paano ay nagawa ko siyang takasan. Pakiramdam ko ay wala din siyang balak na sundan ako. Hindi ko man lang nakita ang mukha ng lalaking yun. Dahil madilim din sa paligid. Bahagya muna akong tumigil sa pagtakbo at tinalian ko ng panyo ang braso ko. Tumindi din ang sakit dahil sa pagtukod ko kanina. Nang masigurado ko na wala talagang sumusunod sa akin ay agad akong umikot sa likod na bahagi ng dormitory. Sa emergency exit stairs ako dumaan papunta sa 10th floor sa room namin ni Brian. Pagkarating ko sa 10th floor ay sumilip muna ako sa hallway baka kasi may makakita sa
