KINABUKASAN, maaga akong nagising para maghanda ng makakain nina Genesis at ni Lola Pasing. Natutulog pa ang dalawa pero panay ng ngiti ng labi ko habang nagsasaing. Sino ba naman hindi sasaya kung nakapagdate kayo ng boyfriend niyo sabay tanggol sa akin noong sumulpot ang walang hiyang ex. Matapos akong magluto ay naglinis na ako ng buong penthouse. Nagma-mop ako ng sahig nang mapansin ang tatlong maleta na nasa giliran ng pintuan.
“Kanino naman ‘to?” tanong ko sa sarili ko. Kamag-anak ba si Genesis na magbabakasyon dito? O sa kanya mga ito? Mga gamit galing Roma?
Narinig ko ang pagbukas ng pintuan sa ikalawang palapag. Napatingin ako doon at lumabas si Zeb na kakagising lamang. May nakakawit na puting twalya sa kanyang balikat. Naniningkit ang kanyang mga mata at magulo ang kanyang b
