NAPASABUNOT ang kaibigan ko sa akin dahil sa aking ibinalita sa kanya. Ang mga tao sa restaurant ay napatingin sa direksyon namin, partikular na kay Angel na parang isang bulateng nilagyan ng suka pagkatapos kong ikwento sa kanya ang panliligaw ni Sir Genesis sa akin.
“Aray ko naman!” reklamo ko sabay bawi ng buhok ko. Malalaman mo kapag may kaibigan kang tunay kasi nambubunot kapag kinikilig. Nauuna pang kiligin bago sa akin. “Hindi naman masakit ang sabunot mo. Parang kagat lang ng langgam,” sarcastic kong sabi sa kanya sabay irap.
“Juliet, eto na talaga ang pangarap mo! Sa wakas makakabayad ka na ng utang. Hihiga ka na sa pera dahil mayaman ang makakapangasawa mo!” aniya habang nagtatalon talon. “Matutupad na rin ang pangarap ko,”
“Pangarap mo? Bakit anong koneksyon ng lovelife ko s
