MAAGA akong nagising. May pa kanta kanta pa akong nalalaman habang nagdidilig ng halaman. Kapag nakita ito ni Sir Genesis ay baka pigilan niya ako at ipagpahinga. Masyado siyang maalaga sa akin, kung malalaman niyang hindi ako buntis baka itigil niya ito.
“Lalalala~” pagtalikod ko ay napatalon ako sa gulat nang makita si Lola Pasing na nakatingin nang masama sa akin. “Lola! Nandyan lang pala kayo. Ano po ginagawa niyo riyan?” tanong ko sa kanya at lumapit.
“Julianna, sa tuwing gigising ka, bakit ka nakangiti?” tanong niya sa akin. Parang tinatanong niya na rin kung bakit kumakain ang tao kung itatae lang naman ito.
“Syempre po, masaya ako!” ani ko sa kanya, “At isa pa, lola. Hindi ako si Julianna, Juliet po pangalan ko.” Pagtatama ko sa kanya at pinatay ang gripo saka lumapit. Kalmado
