Lorna
"D-Denver!" Bigla akong napabalik sa loob.
Doon ko nakita nang mas malapitan ang kamao niyang nananatiling nakabaon sa basag na salamin at patuloy na umaagos ang mga dugo niya sa palibot niyon.
Tinamaan ako ng takot at kaba. Nanginginig ang mga kamay kong hinawakan ang braso niya at dahan-dahan itong inalis mula doon. Dahan-dahan din akong nagtungo sa harapan niya.
Tiningala ko siya ngunit nakatulala lang ang mga mata niya sa gilid ko. Napakadilim pa rin ng anyo niya.
"S-Sorry... h-hindi ko sinasadya 'yong ... s-sinabi ko."
Hindi siya kumilos, ni hindi niya rin ako tiningnan.
Mas lumapit ako sa kanya. Nakita kong pumapatak na ang mga dugo niya sa sahig mula sa kamay niya.
"G-Gagamutin ko 'yang sugat mo."
Muli ko siyang tiningala ngunit hindi man lang nagbago ang reaksiy
