Nagising ako nang tumigil kami sa tapat ng isang magarang hotel, hindi ko alam na mayroon ganito palang hotel sa ibang mga karatig bayan kaya ganoon na lamang ang pagkamangha ko.
Pupungas-pungas pa ako at huli ko nang napagtanto na nakayakap pala ako kay Pancho. Sa dibidib niya ako nakatulog.
"Gigisingin na sana kita," saad ni Pancho habang nakayuko siya sa akin at ako ay komportableng nakayap pa rin sa kanya.
Agad naman akong napabalikwas at agad na lumayo at lumikha ng malaking distansya.
"Patawad, ginoo..." hinging paunmanhin ko.
Nakakahiyang sa dibdib at bisig niya ako nakatulog sa loob ng buong biyahe namin, kahiya-hiya baka natuluan ko siya ng laway o ano pa man.
"It's okay. Pagod ka at mabuti nakapag-pahinga ka habang nasa biyahe," saad niya at batid na walang problema kung na
