Umalis din agad si Pancho matapos naming mag-usap, panay pa ang salita ni Inang nang hindi magaganda pero wala lang pakialam ang binata.
Sa halip, ako ang mas inintindi ni Pancho at sinabing baliwala ang mga natamo niya at sinikap niya lang na h'wag patulan para hindi na mas lumaki pa ang gulo.
"Bakit narito ang lalaking iyon, Liwayway?!" galit na tanong ni Inang nang makapasok kami ng bahay.
"Sinabi ko na sa inyo, Inang... nagmagandang loob lang siya, siya na nga ang nasaktan, nagagalit pa kayo sa kanya at kung anu-ano pang mga pinagsasabi niyo kanina," pagtatanggol ko sa binata dahil talaga namang walang ginawang masama si Pancho.
Si Rahul nga ang merong ginawa. Sapilitan niya akong pinasasama sa kanya kahit na ayoko.
"Ano ba naman kasing nangyari at nagpambuno ang dalawang binatang
