Nataranta ako nang biglang nabilaukan si Inang matapos iyong marinig kaya dali-dali tuloy akong kumuha ng tubig na nasa lagayang dala ko rin.
"Inang, tubig!" Inabot ko sa kanya at agad naman niyang ininom habang hagod ko ang likod niya.
"Ayos lang ba kayo, Manang?" pagaalala ring tanong ni Pancho hanggang sa mayamaya umayos na rin si Inang.
"Ano ka ba naman!" Hinampas ni Inang si Pancho sa braso na ikinagulat namin. "Hindi pa p'wedeng mag-asawa si Liwayway! Bata pa ito, nag-aaral pa!"
Basta talaga sa usaping pagaasawa, ganito palagi ang reaksyon niya. Hindi matawaran ang pag-hindi, pero banggitan mo ng isang pangalan ng binatang Selvestres, baka siya pa ang hindi magkanda-ugaga sa suporta.
Napabuntong hininga na lamang ako. Ang inang ko talaga ay minsan hindi ko na alam ang gagawin ka
