KAREN
Nasa kwarto ko ako nang biglang kumatok ang katulong na si Aileen.
"Ma'am, may naghahanap po sa inyo," pagbibigay alam nito.
Nagkakatakang napatingin ako sa kaniya. Paanong may maghahanap sa akin gayong wala namang nakakaalam na nandito ako? Kahit ang ama ko at mga kaibigan ko wala silang alam kung nasaan ako ngayon.
Akala ko tatawagin na niya ako para sa dinner dahil seven na ng gabi, pero hindi ko inaasahan na may bisita akong darating lalo na at wala akong inaasahan.
"Sino po?"
"Fiancé n'yo raw po siya."
Biglang nagliwanag ang mukha ko dahil sa sinabi ni Aileen.
Nandito na agad siya? Napatingin ako sa bintana ng kwarto ko, bukas iyon kasi sabi niya hayaan ko iyong nakabukas. Nawe-weirduhan pa nga ako sa kaniya ng sinabi niya iyon kanina. Pwede namang tawagan na lang niya a
