BIHIS na si Saña nang lumabas ng kuwarto habang ito ay may pinipindot na kung ano sa phone simula pa kanina nang lumabas siya ng banyo.
"Hindi ka ba naiinitan?" tanong nito na nakaramdam sa klase ng damit na suot niya.
"It's my privacy, kaya wala ka ng pakialam noh." Didiretso na sana siya ng labas nang muli itong magsalita.
"Hindi ka ba gutom?"
"I will eat outside," panunupla niya saka siya tiningnan mula ulo hanggang paa. "Hindi ka ba magpapalit ng damit?"
Nakasuot lang ng simpleng asul na shirt at maong loose pants ito. Mukhang walang balak magpalit ng damit at kuntento na sa hitsura.
Masama ang tinging pinukol niya rito. "Huwag mong sabihing okay ka na sa suot mo?"
"Kung gusto mo, magpapalit ako ng pantaas. Hindi naman business socialite o party ang pupuntahan natin para mag-ay
