NAKARATING sila sa malaking lupaing libingang pribado. Doon nakahimlay ang labi ng asawa ni Agustus na si Sariella. Kasama sa kabilang panig ang mga magulang nito.
Inalalayan pa siya ni Loloy na tuluyang makalapag ang wheelchair sa lupa. Bumukas din naman ang kabilang panig ng pinto ng sasakyan at iniluwa si Sarriyah at ang bunso nito.
“Katrice, tama?” paniniyak ni Agustus sa pangalan ng apo.
“Opo. Pwede n’yo rin po ako tawagin sa palayaw kong Kat-kat.”
Lumapit ang wheelchair niya sa bata. “Mas bagay sa iyo ang palayaw na Katy.”
“Parang Katty Perry po?”
Bahagyang natawa si Agustus. “Tama. Parang Katty Perry. Kilala mo pala si Katty Perry.”
“Opo. Sabi ni mama, magaling daw na singer si Katty Perry.”
“Gusto mo rin bang maging singer?”
“Opo. Sabi ni mama, pianista si tita Siella. Kay
